මානවවාදය හා අගනාගරිකව බිඳ වැටුණු ලොවක මිනිස් සුසුම භෞම - දේශපාලනික විලාපය
එරික් ඉලයප්ආරාරච්චිගේ නවතම කෘතිය වන සුනඛ ආර්යා ගොඩනැංවීමේදී, ලාංකීය සාහිත්ය තුල කිසිවකුගේ ඇස නොගැටෙන කිසියම් පුද්ගලානුබද්ද සහ එයටම ආවේණික වු සංස්කෘතික වටපිටාවක අහුමුළු තුළින්, බිදවැටෙමින් පවතින සමකාලීන පුවත්පත් කලාවේ ගැඹුරු පැතිකඩක් සහ එහි නියැලී සිටින්නන්ගේ ජීවිතවල ආත්මීය වේදනාව පාඨකයා හමුවට ගෙන එයි. එරික් ඒ සඳහා රංජිත් ජයසිංහ නම් මැදිවයසට එළඹෙන්නට පෙර මියගිය ඉංග්රීසි පුවත්පත් කතුවරයෙක්ගේ ද්රවිඩ සම්බවයක් සහිත බිරිය වූ ප්රියා වටා කෘතියට අවතීර්ණ වේ. ඇත්තෙන්ම මෙහිදි සිදුවන්නේ රංජිත් නැමති ප්රබුද්ධත්වය නියෝජනය කරමින් ඉංග්රීසි පුවත්පත් කලාවේ දැවැන්ත සෙවනැල්ලක් වු ඔහුගේ අකල් මරණය තුළ අනෙක් සියලුම චරිත එම දැවැන්ත සෙවනැල්ලේ පහස නොලැබීම තුළ ලත් දරුණු පරාජිත ජීවිතය තුළ ඔවුනගේ ජීවිත වලට වන කැළඹීම් සහගත ස්වහාවය කෘතිය පුරා දිවයාමට සැලැස්වයි.එවකට පුවත්පත් කලාව තුළ සිටි බොහොමයක්ම ඉංග්රීසි උගත් ඉහළ සමාජ පංතීන් නියෝජනය කල කොටස් වුහ. සමාජ දේශපාලන ආර්ථික දේහයන්හි පතළ දැනුමෙන් හෙබි ඉංග්රීසි උසස් සාහිත්ය ඇසුර ලත් පළල් සමාජ නියොජනයක් මොවුන් තුළ තිබුනි. එවකට පැවති වාමාංශික දේ...